குரு

யாதுமானவன்

யாதும் அவன்

என்னுள் எனதை தேடிக்கொள்ள

கற்றுத்தருபவன் - அவன்

எல்லாம் என்னவென்ற கேள்விக்கும்

எல்லாவற்றிலும் நான் யார் என்ற கேள்விக்கும் –

விடை தேட வழி சொல்பவன் – அவன்

மூன்றில் என்னை முதன்மை படுத்தி

உணர்ந்திட உதவுபவன் – அவன்

கட்டுண்டு கிடப்பவன் அன்றே அவன்

கட்டுண்டு இருப்பின் என் கட்டை அவிழ்ப்பது எவ்வாறோ?

சுதந்திரமானவன்

சூத்திரங்கள் உமிழ்பவன்

கர்மம் அறுத்தவன்

தர்மம் அறிந்தவன் – அவன்

கோடியில் ஒருவன் அல்ல என் குரு

கோடிக்கணக்கானோர் என் குரு.