மௌனம் களையவிடு

எல்லா உறவுக்கும் பெயர் யார் சொல்ல

என் சிந்தை திருடும் உறவு இது

நான் எப்போது உன்னிடம் சொல்ல

கல்லுக்கடியில் காயாத ஈரத்தில்

துயிலும் சிறு வண்டு போல

உன்னோடு பேசிய

மங்காத நினைவுகளோடு பேசி பேசி

தினம் தினம் நான்

நீ இல்லாத நொடிகளை கொல்கிறேன்

நித்தம் யாவருடனும்

நான் பேசுவதே

உன்னை பற்றி என் சித்தம் குளிர

ஏதும் சொல்வார் என்றே

மறுமுறை பார்கையில்

உதட்டை சுளிக்காதே

காதோரம் சுருண்ட முடியை ஒதுக்காதே

நான் சொல்ல வந்ததை சொல்ல விடு!