சுயநலம்

பேருந்தில் நின்றிருந்த அம்மாவுக்கு

எழுந்து இருக்கை தருகிறேன்!

சாலையில் கால் இடறி

விழுந்த அம்மாவுக்கு கை கொடுத்து தூக்கி விடுகிறேன்,

அவர் பால் பொருட்களை பொறுக்கி தருகிறேன்!

வேகமாய் செல்லும் போதும் -

யாரும் வழி கேட்டல் நின்று பதில் சொல்கிறேன்!

கண் பார்க்க முடியாது -

வரும் பேருந்து எண் என்ன வென்று கேட்கும் அம்மாவுக்கு

நான் கடுப்பில் இருந்த போதும் நிதானமாய் பார்த்து சொல்கிறேன்!

எங்கோ நான் இல்லாது

தனியாய் பேருந்தில் போகும்,

தினம் சாலையை கடக்கும்

என் அம்மாவுக்கு – யாரேனும்

இது போல் உதவி செய்வர் என்ற சுயநலத்தோடு!

-- சித்ரன்